من أعمال التشكيلي الليبي القدافي الفاخري
محكية

حناطة

>

نازلة تمشي بسلاسة …

تروي ف الناس العطاشة …

رمشها غيمة الخير …

وعينها همسة الليل …

وين تمشي بس تمشي…

الكون ايعمه السكون …

غير تك.. تك تك .. لا ماتسمع…

تعتقد انها رسالة في جوالك تخدعك…

ولا فوحة عطرها وين يخطم هالنسيم…

وانت ماشي .. وانت قاعد .. تعرف انها خطمت..

وتعرف انها هي الحياه..

سنفونيه كاملة..

فيها معزوفة الريح…

فيها معزوفة مطر …

وفيها معزوفة الحب…

ما عزفها ياني …

ولا كتبها شكسبير…

ولا ديانا فاح منها هالعبير…

من غيرها السمره…

العفيفة الطاهرة

بنت الوطن…

اللي وين تمشي تضحك الارض وسماها…

وين تضحك نار ترقى مع حشاك…

ترجعك ليام صباك..

حتى لو شابت الحاك …

وتعرف انه مستحيل…

غيرها يبقى غلاك..

مقالات ذات علاقة

عمي صالْحِين والصالِحين…(حكاية شعبية )

سعاد الورفلي

سلامٌ على بلادي

المشرف العام

مُــشْ

بدرية الأشهب

اترك تعليق