نصوص محكية

من أعمال التشكيلي عادل الفورتية

ظل !

….
كبر الظل وغطى روس
وفي الظل ماعين تشوف
وماتميز ظالم في عرشه 
ولا مظلوم يعاني في جرحه
غرقنا وجمدنا بدموع الخوف !

*

الشمس

……
الشمس اللي غابت عن عينه
حلم في قلبه وتراتيله
لين تشرق في يوم عليه
وتجلي خفافيش الليل
اللي سرقو امسه
من بين يديه
وترسم دروب ..
خطاويه .

*

بنادم !

….
هراوه .. وزنزانه..
وبنادم ..
ماينفع تمرميده !
هراوه .. وزنزانه
وبنادم ..
زي دفة ريشه !

عن عبدالحكيم كشاد

الاسم: عبد الحكيم محمد كشاد تاريخ الميلاد: 5/4/1966 مكان الميلاد: طرابلس/ليبيا مجالات الكتابة: الشعر/ القصة/ المقالة تعريف قصير: ليسانس قانون 1996 المخطوطات: 1- كيفما اتفق- شعر 2- قبر لوقت لا يرحل- شعر

التعليقات مغلقة

إلى الأعلى