محكيات

أَقْصَى حْدُودْ الأُمْنيَةْ

نْكُونْ فِ الْمَرَايَا اثْنِينْ

لا نِفْتِرِقْ

لانْحِنْ لانِشْتَاقْ

نْكُونْ فِ الْفَضَا طِيرينْ

والْأُفُقْ وَكرْنَا

لَمَّا الْوَكَرْ

بَأَحْلَامْنَا يِضْيَاقْ

نْكُونْ ف الْمَسَا نَجْمِينْ

نتوَاعِدْ ورا غَابَةْ نَخَلْ

عَلِيهَا الْقمَرْ

بِجْوَانْحَهْ خَفَّاقْ

نْكُونْ جَرَسْ

ف الْغِيمَهْ الْبَعِيدَهْ يَشْتَعِلْ

نْغِيبْ فِ السَّنابلْ حِلِمْ

قَبْلْ الْحِلِمْ

ونَصْحَى

ف ذَاكْرةْ الْخَرِيفْ أَوْرَاقْ

بَلَا نَبضْنَا

الدُّنْيَا كَئِيبَهْ بَايْسَهْ

لاَ حُضْنْ دافِي

لَا وَنَسْ عُشَّاقْ

مِنْ غِيرْنَا

لا دَنْدَنَهْ لا كاسْ لا نُدْمانْ

مِنْ غِيرْنَا

كِيفْ الْحَياهْ تِنْطَاقْ