حكايات جدتى

من أعمال التشكيلي عائشة السنوسي (الصورة: فنانو فزان التشكيليون)
من أعمال التشكيلي عائشة السنوسي (الصورة: فنانو فزان التشكيليون)

الجدات
كثيراً ما كنتُ أسمع جدتي تطلق المثل أو الحكمة في كل مناسبة ،وكنت أطلق العنان لخيالاتي ؛فأعيش جو المثل أو الحكمة بالكامل . ،وخشية من اندثار هذا الموروث الشفاهي بما نراه اليوم من استحواذ التقنية علي أذهننا – سعيت جاهدة في هذا العمل المتواضع أن أجمع هذه الحكم والأمثال الشعبية ،وإن كان لي فضل في هذا العمل ؛فهو إيماني بأهمية ما تحمله هذه الحكم في طياتها من قيم ومبادئ .
ولقد قمت بجمع المادة عن ما تبقي من ذاكره جداتي رحمة الله عليها (فاطمة بنت أشعيب ) ،وكان حريا بي أن أنقل هذه المادة العينية لتصل إلي القارئ العربي بلهجتها الليبية القحة فالتراث حافل بالركائز من الكنوز المدفونة ،ولقد اخترت اسم الموصل (اللي ) باللهجة والتي تعني بالعربية (الذي)>

اللي نزل احصل
وتعني من كتبت له الحياة ونزل هنا تعني من بطن أمه أي ولد.
اللي ايديرها الحي يلقاها
تعني الجزاء من جني العمل
اللي ايحمل ما يندم
أي يصبر، والذي يصبر ى بندم
اللي شبابه فيه الخير ايجيه
وتعني الخير في الشباب
اللي تعطيها تعطيك ،واللي اتسيبهااتسيبك .
وهنا تعني كما تزرع تحصد
-اللي ما ايطيعك طيعه .
أي الذي لا يسمع نصحك أتركه، وأنتظر
اللي ما ايدير شئ ما ايجيهشئ .
وتعني لا تخاف من شيء
اللي اتجيكياحي تقدرها .
وتضرب للصبر
اللي اتوصيه لا خير فيه
اللي اديرها في الرخيص تلقاها في الغالي
اللي إحمّل نين ضنا إيَحمْل نين ايموت
وتقال في التضحية من أجل العيال
الله ايعمىضوه ما يعرف صاحبه من عَدوه
وتقال لعمي البصيرة
اللي ما فيه خير لاهله ما فيه خير للناس
اللي ما يلحس الرُّب ما يعلق فيه
اللي تأكلها ما اتحشم في شيلتها
اللي اسبقه خوه ما ذل
اللي ما اتربيه توحل فيه
اللي يكبر عيبه يكثر
اللي ايحط روحه في النخال يبربشة الدجاج
تقرض اللي وراك ايعافك الليّ قدامك .
الحق اللي ما يأخذه الله باطل
اللي يبعد علي العين بعيد عالخاطر أوهين عالخاطر
اللي ما يخاف الله خاف منه.
أي أحذره
اللي ما يزمق ايده طويله
اللي يمشي بشواش ما يوقع .
اللي ما فيك باردة.
لابس اللي عالحبل.
اللي يبيعك بالفول بيعه بقشوره .
اللي من قسمك اتجيك ، والله ايجيبها ،واللي ما من قسمك اتخاطيك ، وإن كنت واقف عليها .
اللي اتخطا الرأس تطبب .
اللي عند الله اقريبه
اللي واخذ القرد على ماله يفني المال، ويبقي القرد على حاله
أذكر اللي ما ينساك
تقال عند المرض الشديد
اللي تقطعها تنسي وجعها
اللي ما تصك فيها الشك .
اللي بعيده صعيبه علي الخاطر .
اللي ايعطيك إبره ايريدامخيط
اللي منا بيده ربي ايزيده
اللي اتخاف منها ما تخطاكش .
اللي مافي ايدك اتكيدك .
اللي اتخطاك خير من اللي اتصيدك .
اللي ايديرهاالعما يلقاها في عكازه .
الصاحب اللي ما يأوي العدو خير منه .
اللي إيدير ثوب ما يقطعش كمه .
اللي ما يربوه هله ايربيه زمانه .
اللي ايسطريالا رأسك ايوعيك
ياعون اليد اللي ما قسمت ولا سمت
اللي ما مات ما يندرى علي روحه بيش ايموت
اللي ياكل ،ويذم عطا سم .
اللي ايتحشموا موتوا .
ما يلاه يا مرت بوي لوله اللي تخنق واتنفس
اللي ايموت بوه يرقد في كتر أمه ،واللي اتموت أمه يرقد علي العتبه .
اللي اوله شرط آخره سلامه .
الموت اللي ما هي حاره عطاها ادعوه .
اللي ما معاه شاهد كذاب .
الخوف من اللي منا الخوف .
اللي اتخطاه خاطيه .
اللي مقسومه للحي اتجيه .
ان عنا اللي ايتوق يلقي ما ايذوق.
اللي ايحبك يحبك بخنانتك .
اللي علىّ درتها ،واللي على الله امعيول همها .
اللي ما ضنا ما تهنا ،واللي ضنا بات شاقي .
اللي يرجى خير من اللي يتمنى .
اللي ما تعرفه تجهله – اللي ما يعرفك يجهلك .
تنفع هلليّ تنفع .
اللي ايشاور ما يندم.
اللي يشكر خوك اشكرك .
اللي ما تقتل اتسمن
اللي تنقص البيت تحرم عالجامع .
اللي جاب ايربي خاطر ربي .
اللي ايدس يلقي .
هو منو اللي يمسك الدواء علي عينه .
تقال عدم التقصير .
اللي الها الها .
اللي ايجى ما رحبا ،واللي ايغيبمربوحة .
ندعي علي أولدي ، وعدوى اللي ايقول آمين .
اجعروا من اللي ما تشكي ،ولا تبكي
يعني ترفقوا علي البهيمة أو الحيوان .
بارك الله في الوالدين اللي ايساعدواعالرضا .
الشهر ثلاثين يوم اللي ما يرضي اليوم يرضي بكره .
-اللي ما ترضاها لروحك ما ترضاها لغيرك .
اللي كسر ايجبر ،واللي قهر ايصبر .
اللي ما يبكي ما ايجاز بيه حد .
اللي سمى خوك سماك
اللي سمى بوك سماك ،واللى سمى خوك عافك .
اللي ايموت من الشياطين ايخفف علي الملائكة .
اللي في البرمهايجيبها المغرف .
واللي امعاه القمر ما عاد عليه فالنجوم .
اللي حوشه من قزاز ما يطلقش الحيط علي العرب .
اللي اديرها العمشة يكلوها ضناها .
اللي ايديرها الحى يلقاها .
اللي ما ياكل بيده ما يشبع .
اللي ما أتحقها ابعينك واعره .
اللي ايحقك بالعين ما توميله .
اللي ايخش بين البصله وقشرتها ما اتجيه إلا بناتها .
يا مرحبا با اللي اتجي .
اللي من الله مرحبا بها .
اللي افجعك انفعك .
اللي يلعب ابروحه ما إيشك.
تقال علي الذي لا يريد الزعل
اللي تصبح عليها – تمسي عليها .
اللي ايطيب نيته يربح .
اللي ما اتفكه من روحك ما اتفكه من غيرك .
اللي ايحبكايعشم.
اللي اضرب ابشى صادة .
-اللي ايتقرع أو يشبع يستحمد .
اللي ما ضنا ولا بنا مايندري علي ماله فيش فنا .
يضحك للريح اللي اتهب.
اللي ايجاور جار يا خذ من طبايعه .
اللي توحل فيه دبر له .
الحليب في الحليب ما راب يابال اللي اطرافه اميه .
اللي ايدير حفره ايسدها براسه .
الحي في اللي يالاه .
اللي ايريدياكل عيش ايدير عزم وأيجي للرحى.
اللي أيجب حبل كتفه به.
تعني تقيده .
اللي شبعان ايفتللجيعان – فتآ بطى .
اللي مشروطة محطوطه
وتعني لأوله شرط آخر سلام.
-أرقد عالجنب اللي ايريحك.
الفرس اللى ما فرس بوك اتوقعك.
-اللي خلف ما مات.
اللي تشكره عقبه قرعته من القريضة .
قالوا للمسامر أيش خشك في الساس اليابس قال:- انشدوا النجامه اللي أدق في رأسي .
بحت اللي دونك ترضي .
تنعني أنظر الذي أقل منك سوف ترضي يعني القناعة .
اللي أتجي من الجبح كلها دواء
الجبح :- تعني خلية النحل علي العمل الجماعي.
تلد عليها اللي ما هي ابثديها
ما انخاف إلا ما اللي خالقني.
اللي ايده في النار موش كيف اللي أيده في الميه .
اللي ما فيك باردة .
اللي ايريد روحه قنطره ايحمل الدوس .

عن نورا إبراهيم

الاسم: نورا إبراهيم تاريخ الميلاد: 1968 مكان الميلاد: البيضاء المهنة صيدلانيَّة. تكتب القصة القصيرة والشعر والمقالة أمينة المعلومات والتوثيق ببيت شحَّات الثقافي. أعدَّت لإذاعة الجبل العديد من البرامج الثقافية والاجتماعية.

التعليقات مغلقة

إلى الأعلى