محكية

لحـظـة

ومرة سنيين يا صاحبي..

لحظة ورا لحظة..

ليش باعدت الخطاوي..؟

لحظة بعد لحظة..

أنت تعرف أن العمر لحظة..

وتعرف اكثر ان ملقانا ف لحظة..

ولحظة الدنيا خذاتك..

تباعدنا لحظة بلحظة..

لحظة يا صاحبي..

خطرلي انذكرك..

بلحظة سفرنا..

والشوق للترحال..

لحظة قطعناها الطريق سوى..

في ساكنة مازال..

لحظة ضاويها القمروالنجم..

والدليل سهيل..

في صحاري بكر..

الرمل فيها من الوله تايه..

والجبل هودج من بعيد..

تهايلنا هكي..

لحظة توقفناعشاء..

وين ما تفرشنا الو طاء..

ونزلنا الصفرة وزادنا..

ف لحظة..

وين ما الوادي ساقنا..

والرمل يرسم فالخطاء..

ف لحظة..

وين ما حكينا سرنا..

وطرواه جرنان الهواء..

ف لحظة..

لحظة انطبس عالوطئ..

 كمشنا كمشه من الحصاء..

لحظة وخذينا فيدنا..

حطب طلح مونت نارنا..

لحظة وقدناها اكبرت..

الله مسمح نارها..

 

لحظة ولعيون ادمعة..

دخان ناش أجفانها..

لحظة وتعالى ضحكنا..

ولقدام تضرب فالوطاء بنشوا..

ذكرى ولو إنها مضت..

ما انتست من بالنا..

لحظة..

وكم تذكرنا أصحاب..

زعم يذكرونا..

حتى ولو لحظة..

لحظة اتجي..

تلقاهم اصحاب..

فمرجاك كل لحظة..

ولحظة اتغيب..

غيبة هلال..

 نرجاه لين يْبان..

حتى ولو لمحة..

 

كمين في الدنيا جرئ يا صاحبي..

ما طال عروة بابها لحظة..

وكمين لدنياء سعا يا صاحبي..

طالب ارزاق اوجابها ف لحظة..

وكمين لدنياء لفاء يا صاحبي..

لقي العز واتيله وتاء ف لحظة..

مقالات ذات علاقة

ســـندبـــاد

الصيد الرقيعي

بـغــــداد

سالم العالم

في غفوة السردابْ

الصيد الرقيعي

اترك تعليق