|
شـاطئ غـزة
جمال الدلة/فلسطين
ما بين ساعات الظهيرة والمسـا
عالشاطئ بغزة كنت أطبخ حصـى
وأقبل علي شيخ شابت لحيتو
شموخ إنتصابو محوجو يحمل عصا
سلم علي وقال عينك عالبحر
شوف الوحوش بيوكلو لحوم البشر
لا هم فرنجة ولا مغول ولا تتر
لا بل ذئاب من الفصيلة الناقصة
ماكـمـل الكلمة ولا وفـا الخطـاب
الا وتبـدّى طير أسود كالـغراب
صاروخ فجـر للمواقد والتـراب
وتناثرو أشلاؤهم بالمخمصـة
صاحت هدى ..!!صرخت هـدى
وبحثت عن الأسرة فما لقيت حـدا
لا أمها ولا بيها ولا خيها..راحو سدى
كانو حواليها وصواريخ الـعدا
خلت جثثهم مثل فحمه مجصـصة
رد الصدا صرخة هدى وسمع الجهاد
وسمعت حماس وفتح في أقصى البلاد
اخترقو من الأنفاق في ظلم الـسواد
بمجموعة من خلف العدو متربصـة
وبدأ الحوار بنار واشتد الـحوار
وقتلو وجرحو من الأعادي بإقتـدار
وأسرو شرارة حرب أولمرت الدمـار
جندي مدجج أقعدوه القرفصـا
وبدأ اجتياح البر وهجوم السفـن
والطائرات بكل حي بيقصـفن
وتركو جراحات الطفولة ينزفـن
وكسرو الغصن تحت الفراشة الراقصة
وين الضمير العالمي وين القانـون
من أجل جندي أحرقو ما تعرفـون
ومنا عشر ألآف أسرى بالسجـون
أمضو بغياهبها الليالي القارصـة
بتصدقو انو ظل في هيئة أمـم؟؟
تدعم مكرالذياب وتدين الغنـم!!
وتنصح ضحايا العرب يتحلو بحلـم
وتخدع لهم بالعولمة والخصخصـة
بس الي قبضو مليارات مرزمـة
يورو ودولارات زادو خمخمـة
وقالو المقاومة عاجزة ومستسلمـة
توصو ورسمو ونفذو كل الوصـا
وترك العرب غزة بدماها والدمـوع
في شعب أبي غالية العصي على الركوع
ورغم البوارج والقنابل والـدروع
لبى المقاوم واجباتو وماعـصا
ولما إستيأس أهل غزة من النصير
وعرفو بأنو الكون خالي من الضمير
قوات نصر الله ضجت بالزئيـر
قتلو الصهاينة بالأيادي المخلصـه
بعمليه نوعيه جريئة مؤمنيـن
بالله وبالنصر المؤزر والمبيـن
ومسكو على أرض المعارك أسيرين
فتحو مزادات الأسر في البورصـة
وبلش عنان الغاب عن غزة زمان
ينادي بإطلاق الأسيرين الجبـان
وغمض عيونو ما استنكر او ادان
هدْم المدارس والطفولة الخالصـة
صارو ثلاث أسرى رهن المقاومة
أستيقظت معها المروئة النايمـة
ورجال أمريكا بدو باللايـمة
عا حزب الله وع ثورتنا القانصـة
وسام ورجالو اتجمعو بسكة قطـار
يتربصو ويستعجلو بالإنهيـار
يتقاسمو الكعكة وملذات القمـار
وفتحو المغلف وابتدت المناقـصة
وشربو نخب تدمير حزب الله الشموخ
وجرو العبي جر الأباطرة والشيـوخ
وتبادلو النسوان والرقص المسـوخ
بئست خنازير الزنا والرقمصـة
وفي نشوة الحلم الملطخ بالدمـاء
سمعو خبر دحر اليهود الأشقيـاء
اتنكسو ولطمو وندبو كالنسـاء
وصعقوا وعينيهم من الصدمة شاخصة
وبدأت ملامح نصر حزب الله الأكيـد
وبيروت صاحت صوت بغداد الرشيد
وسقطت رهانات الأراذل والعبيـد
وأستير دخلت عالملاجئ ناغصـة
والكندليزا وبوش وبلير القـزم
غصو بزفير الموت وارتجف القـدم
وغصبو الامم يتنازلو بهيئة امـم
بحجة شرق اوسط جديد محاصـصة
واعطو مزيد من الفرص للغاصبين
ودعمو لنازيين أولمرت اللعيـن
وبدأو بدعم المجرمين القاتليـن
وكشفو
لأقنعة الغدر
واللصلصـة
ورجعو لقانا للطفولة يذبحـو
وقصفو الملاجئ والمساجد ما استحو
وبعدو النظام العربي يبرم مطرحـو
ويهددوا لشعوبهم بمقاصصـة
وابو لهب ارسل لحمالة حطب
واستقبلوها وقبلو ايديها العرب
والدم يغلي والشرارة والغضب
تخسا الوجوة الكالحة المتنمصة
لمين يا جيوش العرب تتسلحو
وشعوبكو المجردين بيذبـحو
قدامكو ..ما بتعرقو.. ما بتستحو
وما بتشعرو بالسخرية والمنقصة
شو الي جرى ببغداد ما بتتجرأو
وامريكيا الي قتلكوا اتبرئـو
يا اخوة الاسلام لا تتـجزأوا
يكفي عربنا مرافسات وجعمصة
شو النفع من سنـي اتنازل وانبطح
وابناء غزة والخليل بتنـذبح
وانا بدموعي وهو بزغاريد وفـرح
السنة عزة مش مطايا مرخصـة
سني انا وشيعي انا بعشق حسن
وبفدي حسين وزينب بسر وعلن
انا قائدي كل من بحقق للوطن
منعة وكرامة مش مواقف مايصة
يا حسن نصر اللة العزيمة والثبات
والصدق وسمو الرؤى والتضحيات
النصر آت رغم طيش الحقد آت
بدات طيور الرعد فيهم قصقصة
يا ثورة زيدي ويا حزب الله اصمدوا
بصمودكم بتمرغو وجة العدو
شيعة وسنة تكاتفو وريف وبدو
دكو خنازير الخنا والبصبصة |
