صُحْبَه

د.حورية البدري – مصر

يا شمعة الصُحْبَه

بتدوب شموع لكن عُمْرِك ما بتدوبى

دايمه على دروبى

واسمع كلام ضَيّك

أنسى ان فيه أحزان مَسّت نسيج توبى

زهر الزتون والتين واقف ما بينى وبين كل اللى كان صبّار

بيضَوّى نور الشمس زى غُنا فيروز

والدنيا عَمْ توعى

بيضَوّى نور الشمس والأرض مزروعه

يشتى كلام الضَى

يملا الشقوق ويفيض

تصبح مروج خضرا !

مبدور كلام الحق أوراق على شجره

يمحى ضلام أحزان في غُربة الصحرا

يشتى كلام الضَى

يا شمعة الصُحْبَه

والدنيا عَمْ توعى عن أرض مزروعه

زهر الزتون والتين واقف ما بينى وبين كل اللى كان صَبّار

زهر الزتون والتين واقف ما بينى وبين كل اللى كان قَبْلُه