أشعار بالمحكية/ العامية المصرية

رباعيات مصرية
د. فوزي أبو دنيا

 

ساعات اغنى للوطن يطلع غنايـا حزيـن
كل اما انادى ع الغنا يطلع غنايـا  انيـن
وساعات بتاخدنـى الساعـات لساعـات
معرفش ايه قصدى ولا انا اطلـع  ميـن
احلا الكلام قولته ف هواكى غنا ومواويل
وكل اما اغنى فيكى احس غنايـا هزيـل
العيـب دا فيـا ولا فيكـى ولا ف ميـن
انا قولت انسا هواكى مالقيتش ليكى  بديل
 

أيـــوب
نبيل مصيلحي
 
شجر الصباح لمَّا افترق
تاه احترق جوه النفوس
نلبس في يوم مش قدنا
ونموت ونصحى.. نموت كلام
نصحى هياكل من رخام
ع السكه تتلون سكات
يا ليل جراح
ع الضفتين
شجر الدموع قضبان
بيحبي الصبح مكسور الجناح
 

 
رسالة من مواطن
علاء عيسى
 
السلام ده جى طاير
جى حاير
من مواطن عادى جدا للحكومة
قبل مابدأ فى الكلام..
المواطن ياحكومة له سؤال
لو حزام الصبر قرب ينقطع
يا ترى..
تدونا غيره؟
هوه ده الطلب الوحيد منكم يا سادة
لجل ما كل واحد مننا يعرف مصيره
 

حلـم الخـروج
إبراهيم خطاب

ولا كانشى صوتك فرحى
حين هبط الكلام الملح
فوق جرحى
ترشق عيون البيادة
فى القفا شبكات
نهرب لمركب
خضركم
عن حصننا
لم فات
ولا حط
للقدم العليله براق
تنهز
له سموات

 

النبـوءة
إكرامي قورة
 
فشال ف قلبه أحزنه وطاف بيها بلاد الله
من الأردن على لبنان على سوريا..
كويت وعراق.. قطر بحرين..
على السعودية والإمارات عمان ويمن..
جيبوتى صومال.. سودان مغرب موريتانيا..
جزاير تونس الخضرا.. ومن ليبيا.. نزل على مصر..
وطاف فيها شارع شارع لحد ما داخ كما المسكين
فصلى الظهر ف القلعة.. وقرا الفاتحة لصرح الدين
وصلى العصر ف الأزهر
وحطت على الحسين عينه
وف الساحة قعد يبكى