الخـاطر

أحمد جلنقة

خيرك معاي يا خاطري.. درتلي مشغال      

انت ونيسي في وحدتي..

وانت الغريق الي ردم لسرار..

فيك العسل والمر..

وفيك الجرح..وفيك الدوا

وفيك يا ما فيك..

فيك من حكاوي أمي.. الحنونة بصوتها الدافي

خرافه ورا خرافه..ونار شاهينا

وطاسة بعد طاسة.. والليل غاطينا

انزيد الحطب لنار.. والنار مايغباك

 وبرادنا يجلب.. والليل يطوي في صفحتة..

ونقول لو يطول شوي.. لين نشرب الطاسة وتكمل الخرافة

حسيت بأمي تختصر.. بعد لمحت عيوني عسلاً

وكملت الخرافة..

وبانن جدايلها..

وتاقت بعد تغييب.. تعلن ليوم جديد

وفيك ياما فيك..

فيك من طبعة القاسي..      

وفيك من صمتة..

وفيك من حدة نضرة عيونة شوي..

وفيك المحبة وهو للمحبة زاد..

وين ماتنده على يا خاطري.. يخطر على

تخطر على هيبته.. في كل ميعاد

تخطر علي ضحكتة.. في فجر لعياد

وتخطر على مشيتة.. للناس عياد

وتخطر على وقفتة.. بالناس شرهاب

ويخطر على.. نطلب الله يغفر ذنوبة ويرحمة          

وخطر على.. يا خاطري ديمة..خطر على باتي