قالوا  المرا   

من أعمال التشكيلية نجلاء الفيتوري.

من أعمال التشكيلية نجلاء الفيتوري.

قالــــــوا المرا  راهـــي عريق محنّه

قلت اللي (عندي) ما شيء عندها منّه

قالــــــوا المرا مـــظلــــــــــــــــومة

قلت ضلعه عوجة تستاهل( القادومة)

قالـــــــــــوا حــــــــــــــــــرام عليك

قلت امـــشـــــومـــــــــــــــــــــــــة

مش هــــــي اللــــي طلّعـــــــــــــت

آدم مــــــــــــن الجــــــــــــــــــــنّه؟

فـــــي قاموسها ما فيه كلمة “دومه”

إن كان طــوّلت ما عـــــــاد فيها بنّه

مـــــا عـــاد عنــدي جــــواجــــــــي

نقعد معاها, فـــي الكريم انـراجــي

نــــــــــــفتـــــــــــكّ مـــــنـــــــــــها

نـــلبس “جــــــريد وشنّـــــــــــــه”

مــــــــــرتـــــي عـــبيـــــطـــــــــــة

لمّت عــليّ  الناس دارت عيــطــــة

الفيوز انضرب عندي قعدت حطيطه

والضغـط والســــــــكر الشبح خذنّه

انـــضربت الشبكــــــــــــــــــــــــــية

هربوا الصغار ولحّقت الـــــــــوليّة

من “الحضان”ما حصّلت غـير أبنية

قعدت معايا في الفـــــــــرج نستـــنّه

عن ميلاد المزوغي

2 تعليقان

  1. ميلاد عمر المزوغي

    السادة الاعزاء
    السلام عليكم
    يرجى التكرم بكتابة الاسم ثلاثي ميلاد عمر المزوغي
    مع تحياتي

إلى الأعلى